نجوم السما ... ( للكبار فقط )

طبعا انا زى ما انتوا عارفين او مش عارفين و انا اتوفع التانية مبدخلش كتير على المنتدى بس نفسى بجد اقرب من الاعضاء هنا و يكون ليا اصحاب منكم...
هعرض عليكم موضوع هنا و هسئل كذا سؤال للحوار الجاد ...


نصيحة قبل قراءة الموضوع
لو
مش فى مودك و مش فيك دماغ رايقة سيب الموضوع و اقرا بعدين بس اهم حاجه انا
عايز تعيش معايا هنا فى الموضوع ده... بكل جوارحك و تتخيل معايا عشان تعرف
تجاوب عن السؤال اللى هسأله عشان كده الموضوع للكبار فقط للناس اللى
دماغهم كبيرة فى الخيال ....







عمرك
بصيت للسماء .... كلنا بنشوف كل يوم تقريبا نجوم فى السما ... كلنا
بنشوفها كتير... و احنا فى الشارع ... فى البيت ... فى العربية ... على
الكوفي شوب ... طيب

بس فى حاجه انا تخيلتها فى مرة .... هتحتاج انك
تسرح بخيالك فى مكان مفهوش صوت بليل قبل الفجر مثلا.... و يا سلام لو كنت
ممدد على ضهرك فى حديقة مثلا...

تخيل يوم القيامة بأهوله العظيمة و
انت دخلت جنة الفردوس .. اللهم اوعدنا يارب .... مع حبيبنا المصطفى- صلى
الله عليه و سلم - ... و كنت نايم و بصيت فوقك و فوقك عرش المولى تبارك و
تعلى ... هى دى السما او مابين الدرجتين فى الجنة زى المسافة تقريبا اللى
بينك و بين النجم ده.... انا افضل انك تتخيل و انت وشك كله للسما و تتخيل
... عشان متشوفش حاجه غير النجوم و السما .... و تتخيل انك فى الجنة فعلا و
اللى فوقك ده زى ما انت شايفه دلوقتى هتشوف .... عرش الرحمن ... و عندك
معاد بعد شوية مع واحد صديق تعرفت عليه فى الدنيا يوم واحد حتى و احببته فى
الله ... ورايح معاه تشرب عسل من النهر اللى ربنا اعطاه لك فى الجنة ....
تخيل ان زوجتك اللى عرفتها و عشت معاها فى حلال و هى معك فى حديقة بمساحة
كوكب الارض و على اصوات العصافير ة او الشلالات او خرير المياه ...تخيل انك
رايح تزور سيدنا يوسف ... اصلك كان نفسك تشوفه ... عايز تاكل مع النبى
محمد اللهم صلى و سلم عليه.... عايز تعد مع الحور العين .... عايز تأكل اكل
و تكون شهيتك مفتوحة جدا و مستمتع بالاكل .... عايز متسمعش كلام بذئ او
عايز تحس ان كل اللى حواليك مش طمعانين فيك.... عارف انك مخلد فى النعيم و
عارف انك مش هتموت ابدا .... و متخفش.....و لا تحط فى بالك اى مسئولية.....
و تشوف حجات مشفتهاش ابل كده .... تكون بقوة 100 رجل و تكون نساء الدنيا
احلى من الحور .... و تكون حياتك كلها رافهية و متعة بسبب ما فعلته من خير
فى الدنيا... و تندم على ساعة مضت فى غير ذكر الله .... خليك كده ربع ساعة
بس .... بس بجد جدا فى التأمل .... لما تفوق...

السؤال ::1- حسيت بأية ؟؟؟ و هتعمل اية دلوقتى ؟؟؟؟
2- ما هى نظرتك العامة للدنيا بصراحة جدا ؟؟؟؟؟؟ فى سطرين لو هطول

نصيحة ::: حاول التطبيق عملى قبل الاجابة...

اللهم اعنا على حسن عبادتك

هذا الموضوع بقلمى و من تأليفى و انا اعرضه بدون حقوق من اراد نقله فالينقله